|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
20-04-14, 07:41 AM
|
||||
|
||||
بيض الله وجه الأيام والمال القليل...
بيض الله وجه الأيام والمال القليل
بينت لي صادق الناس من كذابها بيت للشاعر صالح بن حسين العاض تداوله الكثير من النقاد والمتذوقين ورد الكثير من البحث عن نصه كاملا وهنا أهديكم القصيدة كاملة لذائقتكم وشكرا. آخر الدنيا معاد فيه شيئ مستحيل انتبه ياللي بعد ماحسبت حسابها دورة الدنيا تجارب تعلم كل جيل تعتبر الالباب وتفوق من ماصابها المواقف خذت لي من تجاربها حصيل ماصفيت من السنين العجاف إلا بها صابني ماصاب غيري من الوقت المحيل حاجة تكشف وحاجات مايدرى بها والدهور تضد وتهشم الضلع الجليل ومن سلم من نابها طاح في مخلابها والليالي سيرها بين درهام وهذيل شـارد ماهي تطاوع مـع ركابهـا تمضي الشدات وتمر كنها حلم ليل واحد ماخذ من دروسها يشقابها للرخاء والشد بالوقت خلان وخليل واكثر الخلان يادوب حشوا ثيابها البطا ماهو يأثر على معدن الاصيل خامته يبطي صدا الوقت ماصدابها لاقبلت شهب الليالي وجا بالوقت ميل بينت بقعا رفيقي وبان اصحابها بيض الله وجه الايام والمال القليل بينَت لي صادق الناس من كذابها بينت لي وقفة مايوقفها ذليل وقفة اللي رفقته ماتسد ابوابها يلتزم بالحق ويقوم بالحمل الثقيل وماتروح حاجة له وهو طلابها في زمان صار فيه الغدر عملة عميل اختلط كذاب ذا الناس مع نصابها ضاعت وجيه الحقايق بواقعنا العليل لين ضيعنا فروع القصص وانسابها قل منهو يتبع السلم ويرد الجميل كثرة اللي للعداوة تحد انيابها الردي ماله على الموقف الحساس حيل جمرته يذبح نسيم الهواء مشهابها والهزيلة ماتجي كود من شخص هزيل والجزال تضاف في صفحة اللي جابها لو معي من غيب الايام والدنيا دليل كان اجنب بعض الاشياء قبل لاابدابها خاب ابو من هان نفسه تحت رحمةبخيل خاضع له يرتجي رحمته واسبابها. الشاعر: صالح بن حسين العاض المري
|
|
#3
20-04-14, 09:11 AM
|
||||
|
||||
درر يانجمه يعطيك العافيه
|
|
#4
20-04-14, 10:40 AM
|
||||
|
||||
|
صح لسان شاعرها وتسلم ايد ناقلها
والف شكر على الذوق الجميل  شكرا ً نجمة
|
|
#5
20-04-14, 12:20 PM
|
||||
|
||||
|
رائعه
شكرًا لك
|
|
#6
20-04-14, 04:41 PM
|
||||
|
||||
|
وبيض الله وجهك نجومه
ذوق واختيار رائع
|
|
#7
20-04-14, 04:55 PM
|
||||
|
||||
|
بينت لي وقفة مايوقفها ذليل
وقفة اللي رفقته ماتسد ابوابها روعه نجمه سلم ذوقك على حسن الاختيار
|
|
#8
20-04-14, 08:13 PM
|
||||
|
||||
|
يسلم مروركم ..شرفتو ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
