العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
عندما أيقنتُ أني هالكة لا محـــالة …. ( ما الذي حدث ..؟؟ )
عندما أيقنت أني هالكة لا محالة …. (تداركتني رحمة الله)
وها أنا اليوم ولله الحمد والمنة أعيش بينكم (الله يطول بعمري) 😊 كادت الدنيا أن تكون بلا طعم … فيكف يكون لها طعم وهي بلا ملح؟؟؟ 😛 <<< اسكتي بس محد درى عنك 🤣 (يقولون ما طاح من النجوم أخف للسماء 😆) السالفة وما فيها سلمكم الله … الواحد في هالدنيا يمر عليه مواقف يظن إنها نهايته .. لكن (عمر الشئي بئي << أقدروها بالمصري🤓) والحمد لله اللي مد في أعمارنا حتى هذه الساعة لنتزود من الأعمال الصالحة … (الله يرحمنا برحمته ويحسن خاتمتنا) ^ هذي كلها مقدمة للقصة اللي بقولها لكم 😀 صار لي موقف صراحة كنت أحسبه نهايتي .. ومر علي شريط حياتي كله في ثواني لكن الحمد لله اللي نجاني …. أحسكم بتحسون السالفة فيها غرق 😁 … لا موب غرق السالفة مختلفة تماما في رمضان من الرمضانات السابقة (قبل كورونا الله لا يعيده) … طبعا أنا عادتي السنوية حفظني الله آخذ إجازتي في رمضان لعدة أسباب .. أهمها إني ما أتحمل أداوم وأنا صايمة + أبغى أتفرغ وأحس بروحانية الشهر + كثرة المسؤوليات اللي بتزيد علي من طبخ وغيره .. فما فيه مجال أبد إني أقدر أداوم .. مرة من المرات تقريبا في منتصف رمضان كان عندي شغل في الدوام لازم أخلصه .. وقررت إني أداوم يوم واحد فقط أخلص فيه شغلي ثم أرجع أكمل إجازتي … جاء اليوم الموعود اللي بداوم فيه .. وطبعا أذن الفجر وأنا ما طاع يجيني النوم بحكم إن نومي أساسا منقلب وما تعودت أنام في الليل .. قبل أذان الفجر بشوي .. كانت بنتي الصغيرة (عمرها سنتين) تلعب بجوالي .. تشيل وتحط فيه .. طبعا حنا كنا في الدور الثاني بحكم إننا قاعدين نحاول محاولات جادة للنوم عشان هالدوام الله لا يعيده وأنا في غرفتي وبنتي طلعت من عندي .. وأسمع صوت قوي (بووووووم) وأنقز من مكاني أحسب بنتي صار فيها شيء !! طلعت ولقيتها واقفة وتبتسم بكل براءة تقول( دااااح ) 🤓 .. وشو اللي طاااااح؟؟ قالت: دوّالي << لا ومن زود البجاحة تنسبه لنفسها كنه حقها 🤣 وأطلّ من فوق .. إلا والله أشوف الجوال طايح 😖 حسسسسبي الله ونعم الوكيل 😭😭 وأنزل بسرعة أشوف وش صار له !! .. لقيته والله إنه أصلي صراحة ما انكسر فيه شيء ولا جاه ولا حتى خدش …. لكن … صار ما يشتغل 😑 جته سكتة قلبية مفاجئة 😶 لأنه مسكين الحدث اللي صار أسرع له من تصوره واستيعابه .. فخلاص سكت وهي السكته … حاولت إنعاشه قلبته يمين ويسار فوق تحت … ما فيه .. لا حياة 😶 ولا نور ولا شيء ولا عرق ينبض 😵 أعلنت حالة الوفاة والحمد لله على كل حال .. الجوال بداله جوال (وصراحة بيض الله وجهه الله يرحمه ياما وياما تحمل البربرة لين قال بس سواء كانت بربرة مسموعة أومقروءة 🤭) بس يوم فكرت … المشكلة وييييين … المشكلة إن الصباح عندي دوام .. الساعة 9:30 لازم أمشي وأنا ما معي جوال 😬 سألت اللي حولي قلت لهم عادي تعطوني جوال بس باخذه معي للدوام وأرجعه 😥 وكلن عيّا محد طاع يعطني جواله كلن يقول أبي جوالي أحتاجه ما أقدر 😏 طيب أمكم الله يقطع بليسكم وين البر طيب الجنة تحت أقدامي 🫢 << كان الوقت غير مناسب لإلقاء أو الاستماع لأي محاضرة عن البر بالوالدين عشان كذا محد عطاني وجه 😆 قلت بقلبي أقوووول بس موب لازم جوال … عاشوا الناس من زمان كل عمرهم بدون جوالات .. ولا ماتوا موب ضارني إن شاء الله هـ الكم ساعة اللي ما يكون معي فيها جوال … وعاد من زود الحرص (أنا إنسانة حريصة مررره) كتبت رقم السواق في ورقة وحطيتها بشنطتي، قلت احتياط عشان لو احجت أدق عليه وأنا في الدوام من جوال أحد زميلاتي .. وعشان بعد إذا بغيت أطلع أقول له يقرب السيارة (لأنه يوقف بمواقف بعيدة شوي بسبب الزحمة) نمت شوي بعد الفجر ثم بالموت قدرت أقوم 😣 دقيت على السواق من التليفون الثابت وشغل السيارة وطلعت ومشيت لدوامي …. وصلت للدوام وبصمت .. وأنا عادتي إذا بغيت أدخل وأروح للقسم اللي فيه مكتبي .. أروح مع سيب صادّ شوي محد يروح معه وفي آخر هالسيب الطويل مصاعد ثم أرقى فوق بالمصعد وأدخل على قسمي من وراء … بحيث محد يشوفني لو جيت متأخرة 😛 (النية سوداء شوي 😚) طبعا أنا ذاك اليوم ما كنت متأخرة لكني خلاص تعودت أروح مع ذاك الطريق … مشييييت مع السيب المشؤوم (استغفر الله) ووصلت المصاعد وضغطت على زر المصعد .. انفتح المصعد ودخلت وضغطت على الدور اللي فيه قسمي ….. تسكر باب المصعد وبدا يطلع فوق بشوييييش مررره على غير عادته 😶😶😶😶 أنا بدأ الدم يبرد في عروقي وحاسة فيه شيء موب طبيعي بس أحاول أكذب نفسي وساكتة ما تحركت بشوف وش بيصير …… اللي صار .. المصعد وهو يمشي يشويش وقف فجأة بين الدورين (يعني كذا في النص لو انفتح الباب أصير ما أقدر أنزل لو نزلت طحت) وفجأة يوم طفت اللمبة …… 😭😭😭😭😭 أنا في هذي اللحظة حالي لا تسأل عن حالي (ياويل حالي😭) ….. تجمدت في مكاني .. أحس كأن أحد صب علي مويه ثللللج … وصرت كذا واقفة ماأحس بجسمي كأنه فراغ مدري شلون كنت واقفة بس أحس براسي فقط (وشلون مدري وش اللي صار لي مدري) بس مجرد راس تدور فيه الأفكار السوداء في أجزاء من الثانية هذا بس اللي أحس فيه ….. جيت يقال إني بتصرف التصرف الحكيم وضغطت على زر الجرس اللي حاطينه للطورائ .. الجرس يرن لكن لا مجيييييب … محد حولي ومحد أصلا درى عني الظاهر ما كان فيه أحد مداوم … يعني بالعربي العبارة اللي كاتبينها في الأصنصيرات لا داعي للهلع واضغط زر جرس الإنذار للطوارئ لمساعدتك.. ترى هذا كلللله خرطي 😩 شكل بس .. طبعا بحركة لا إرادية فتحت الشنطة بطلع الجوال أدق على أي وحدة من زميلاتي استفزع بهم … ويوم دخلت يدي في الشنطة وأتذكر إن ما معي جوال وإن جوالي خرب الفجر ……. ياسلاااااام لاااااااا يارب ارحمني ….. في ثواني مخي ربط الأحداث في بعض ورسم لي السيناريو والأحداث الدرامية اللي بتصير .. وقلت بسسسس هذي نهايتي ….. ما جابني اليوم ولا خرب جوالي إلا منيتي … يارب ارحمني ياربي مابي أموت 😭😭😭😭 ومر في خيالي عيالي وش بيسوون عقبي وأمي وأهلي (إلا زوجي لأن عارفة إنه بعد ما تخلص أيام العزاء بيبدأ يدور الثانية عشان كذا سبحان الله ما تعاطفت معه أبد 🤬) المهم بديت أدوخ بديت أحس الدنيا تدور حولي .. وقلبي يدق بقووووه يرقع (ينسمع يمكن من على مسيرة شهر) … وتنفسي بدأ يضيق وأحس بكتمة شوي … طبعا كل هذا الكلام في ثواني وألهمني ربي وبديت أحوقل صرت بس أكرر لا حول ولا قوة إلا بالله … طبعا صرت ما أقولها بلساني بس زي العادة لااا … صرت لا شعوريا استشعرها بقلبي لأني حسيت بضعفي وقلة حيلتي مالي أي أنا أي قوة وإن قوة الله سبحانه هي اللي بتطلعني من اللي أنا فيه … وأكررها وأكررها (الحوقلة) وأضعط على رز أحد الأدوار كذا عشوائي (موب الدور اللي فيه مكتبي) …. ما دريت إلا يوم انفتح النور وبدأ يتحرك المصعد بشويش لين انفتح …….. ياااا الله الحمد والشكر لك ياااااا رب 😭😭😭 وطلعت منه كأني توني مولودة من جديد … ياالله يازين الحياة 😍 ورحت ومشيت وكملت بالدرج اللي جنب المصاعد (درج الطوارئ) لين وصلت مكتبي …. الغريب إني ما صحت وأنا في المصعد يمكن ما كان فيه وقت أصيح فيه (الموت حار😕) … لكن بعد ما طلعت منه بديت أصيح مدري وش جاني توني أستوعب اللي صار 😭 والحين وأنا أكتب كأني تذكرت ذيك المشاعر وكن ودي أصيح شوي 😕 الشاهد من هذا … بعد هالموقف كرهت المصاعد كلها فترة ليست بالقصيرة وصرت استخدم الدرج … حتى لو إن شاء الله لو أروح لبرج خليفة عادي أرقى مع الدرج بس مصعد لااا … والحين الحمد لله تحسنت الحالة وصرت عادي أستخدم المصعد لكن بشرط يكون معي أحد … حتى في المستشفيات لازم يكون أحد معي .. كنت من زمان إذا كان رجال لحاله مستحيل أركب معه لازم يا لحالي والا معنا حرمه .. لكن الحين (الله يعفو عني) لا صرت أدخل وأصد على جنب … وش أسوي الضرورات تبيح المحظورات والحياة حلوه 🫢 وأخيرا … الحمد لله على سلامتي 😊
|
#2
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
|
#3
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
الحمدلله ع سلامه ياملح وقبله.
روحي مع الدرج رياضه وصحه. 👍 خلك مثلي ارقى خمس درج مع بعض اذا مستعجل. اسرع من الصنصير 😆
|
#4
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
احمدي ربك الدعوى بسيطه مقارنه باللي جلسوا تحت الانقاض في سوريا وتركيا اكثر من 10 ايام , اطفال ونساء وشيوخ محجورين وفوقهم اطنان من الصبات الخرسانيه .
الحمدلله ع سلامتك وحظك حلو انه اشتغل وانتهت مشكلتك . بالعاده اذا تعطل المصعد يجلس بالساعات . لكن ترى فيه فوق باب المصعد من الداخل مفتاح يدوي وتقدرين تفتحين باب المصعد يدوي وتطلعين بسلام وبدون خوف .
|
#5
|
|||||||||||||||||||||||||
|
|||||||||||||||||||||||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
صح طويل شوي بس لـمّا تفُك ما حَـ تصك 😊 يعني إذا اندمجت في قراءة القصة ما تحس بطولها إلا وهي مخلصة 😄 ولو تلاحظ تراها قصتين بقصة وحدة (قصة الجوال / وقصة المصعد) .. ويوم كتبتها وخلصت اكتشفت إنها شوي طويلة (موب شوي إلا كثير) 😬 وقلت والله ما أحذف منها شيء اللي يبي يقراها والا أحسن لا يقراها << خربت الأخلاق 😛 المهم .. جمعة مباركة يا ح 😊
|
#6
|
|||||||||||||||||||||||||
|
|||||||||||||||||||||||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
ما شاء الله تبارك الله خمس درجات مع بعض كنغر موب آدمي 😛 أسمح لي ما عندي هالقدرة الخارقة اللي عندك الله يبارك لك ويزيدك 😄
|
#7
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
فطَعمُ الموتِ في أمرٍ حقيرٍ '' كطَعمِ الموتِ في أمرٍ عظيم هو الموت واحد الله يرحمنا .. سواء في مصعد أو في زلزال تحت الأنقاض (الله يتولاهم برحمته ويعافيهم ولا يبلانا) أو في غيره .. وين هذا الزر؟؟ لأني شفت مقاطع لازم أنا أفتح المصعد بقوة بيدي ثم فيه شي زي المفتاح أرفعه ثم ينفتح … أنا ذيك الساعة يديني خادره ما تتحرك أصلا زين إني واقفة مدري شلون وقفت الله لا يحطنا بهالمواقف 😥
|
#8
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
قصه ممتعه وواقعيه
انسجمت والله اتخيلك وكأنك كرة سوداء طبعا بالعبايه وكأنك تدخلين الي المصعد وفجأة يتوقف في نص الطريق فتستغيثين فيسمع لك صوت في السماء كصوت يونس ابن متى فتقول الملائكه صوت معروف ولاكن لا نعرف مصدره ثم ياتي ملك من السماء الرابعه وقد امتطاء فرسه ويوصل الكهرباء وتنتعش الحياة . شكرا ملووووحه اسلوب راقي وجميل استمتعت كثيرا
|
#9
|
||||
|
||||
رد: عندما أيقنتُ أني هالكة لا محـــالة …. ( ما الذي حدث ..؟؟ )
الحمدلله على السلامة وموقف صعب صراحة
خصوصاً بدون جوال ولفت موقف ، لامعين ولا عوين الا الله
|
#10
|
|||
|
|||
رد: عندما أيقنتُ أني هالكة لا محـــالة …. ( ما الذي حدث ..؟؟ )
حمد لله ع سلامتك بغيت تروحين ضحية مصعد
حصلت نفس القصة لمديرتي عاد اول مادقت دقت علي الشباب اخذوني طقطقه هاك اليوم انه في اللحظات الحرجة اول مايتذكر الانسان الاهم في حياة الشخص الواقع في مشكله هههه قلت لهم مالها علاقه المسالة ثقه في حسن تصرف الشخص فقط وفعلا اول شي اتصلت ع الدفاع المدني ونزلت ابحث عن مسؤول الامن ورجعت اتصلت عليها وطمنتها طبعا الاجراء السليم انك تفصل الكهرباء عن المصعد ويفتح الباب بالقوة كنت بسويها بعد ماتاكدت لكن نطت وحده موظفه في قسم اخر وقالت لو طفيت الكهرب انت المسؤول لو حدث للاجهزة شي وو تتكلم بكل وقاحه اللي حصل ان الدفاع المدني جاء وعمل نفس الاجراء وخرجوها هي واللي معاها طبعا هذيك تكرها والود ودها تنفق في المصعد هههه الشي البغيض والكريه اني شفتها عندها بعد كم اسبوع تشرب قهوة وحلى وتضحك وتسولف ولا كانها عملت شي مجتمع الحريم في الاماكن المختلطه ازبل شي .. الحرمه تكون ع الفطرة الين ماتخالط الرجال ...
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |