العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
ضيف قآدم
كيف تستطيع قول انا مشغول لا ارغب بزيارتك حاليا
بدون مآتبقى بالنفس شي؟ ويبقى الخاطر طيب. بما اني بالرياض. بعض الشباب أللي اعرفهم بالقصيم. اما يجي زياره للرياض ويقول اسير عليك او يجي شغل ويقول انام عندك ليله عشان ماستاجر او يجي خصيصا لي يجي ويكند يغير جو. انا بشقق عزآب. ولا عندي اي ترتيب لاي ضيف يجي. حتى لو فرد من عائلتي حتى قهوه مآعندي لاني ماشربها. عندي انواع الشآي والنسكآفيه وكل الاشياء أللي استخدمها انا فقط. هذآ غير اني دراسه وشغل. افرح بالويكند او الفراغ عشآن اعوضها نوم او راحه وهذا ليس قلة كرما مني. لكن الشغل والوقت والظروف تحكم. مشوار بالرياض ياخذ يومك كله. كيف وانت دراسه وشغل. وشقه عزابيه ولخبطه. ولا عندي اي خلفيه لاستقبال ضيف قادم لي. فقط اسوي شاهي واحط كيسان كرتون واقول له اذا معك فراش نزله عشآن تنام عليه. ويآما جو عندي وشوي استاذن وانام. ومن بكرى الوم نفسي. قررت اعتذر عن اي زياره. لكن كيف تعتذر بدون مآيصير بخاطرهم شي؟. لاتقولون لاتهتم وراحتك اهم شي. فيه منهم الطيب والكفو وأللي مآيقصر . والناس للنآس والكل بالله. عبدُالمَجيدْ معجب بهذا.
|
#2
|
||||
|
||||
رد: ضيف قآدم
شكلك العدوى انتقلت لي يا قبله وملح وطولت بالحتسي
|
#3
|
||||
|
||||
رد: ضيف قآدم
-
هلا فيّصل ، اول شي : يؤسفني أقولك ماراح ينفع تعتذر بدون مايصير بخاطرهم شي الا اذا هو (شخص عارفك وعارف وضعك راح يقدر عذرك) غيره إنسى انهم يعدونها لك بدون سوء ظن .. ثاني شي: جيب لك فراش ومخده وغطاء وحطهم عندك ، لجل اللي يجيك فجأة .. ثالث شي : فيه أظرف قهوة عربيه زي النسكافيه ، جيب لك كرتون وخله للضيوف بس .. رابع شي : إسال نفسك انت ليش تستأذن منهم ثم ترجع تتندم !؟ 1/ اذا الجواب : (شيء خارج إرادتك مثل تعب وارهاق دوام وشغل) هنا وقف ندم ولوم لنفسك ، نفسك لها حق عليك ، إجلس معاهم واذا جاء وقت نومك استاذن منهم .. 2/اذا الجواب : (تحاول توصل لهم رساله انهم غير مرغوبين) هنا راجع نفسك وحاول تبعد عن الحركة هذي ..
|
#4
|
||||
|
||||
رد: ضيف قآدم
الطنزه الله يكفينا شرها 🤣
ترى صدق الواحد يكتب يحس كلامه عادي موب كثير لكن إذا خلص يكتشف إنه طويل وصعب يمسح شيء منه لأنه يحس الحذف راح يخل بالفكرة اللي تبغى توصلها 😄 صراحة الله يعينك وشلون بتصرفهم .. لكن بما إنها شقق عزاب ما تقدر تقول إن راعي العمارة يقول ممنوع أحد ينام في الشقق من غير المستأجرين .. يعني ما تقدر تحطها في راس راعي العمارة والا الحركة مكشوفة 👀
|
#5
|
||||
|
||||
رد: ضيف قآدم
-
وانصحك ماتعتذر الا من شخص تثق تمااام الثقه انه مابيشيل بخاطره منك ، انا اكره (يوم الجمعه) و كل زياراته وفعالياته ، يوم ثقيييييييييييل على النفس سبحان خالقه ، اعتذرت من اشخاص يزوروننا اسبوعياً قلتلهم لاتجون الجمعه عندي شغل وكذا (طبعاً اكذب بس اتعذر بالشغل) زعلوا ثم كفوا زيارتهم اسبوع بس ، بعدها صاروا يجون في اي وقت يجوز لهم وتسلطوا بيوم الجمعه .. الله لايسلطني على مسلم .. تعب روحك مابيحس فيه الا انت وشخصك اللي فاهمك ، غيره انسى ، فـ مالك الا تتعايش مع زياراتهم لين الله يفرجها مرات والله اذا زادوها اقول ليته يرجع الحضر من غير شر ، مو كره لهم لكن الروح تحتاج راحة من ضجيج الحياة واهلها 🙂
|
#6
|
||||
|
||||
رد: ضيف قآدم
*.
نصيحة : يمكن يشوفها البعض أنها صعبه أو ثقيلة على النفس أو غير مهذبه , لكن لا تعطي الغير أكبر من نفسك ,, شف نفسك أولاً و مصالحك و عملك و دراستك الي أنت رحت و تغربت علشانها . بعدها شف خواطر الناس الثانوية . أقسم بـ الله أني تندمت على كل دقيقة ضيعتها من عمري على كل شخص في حياتي (( غير أهلي )) . لأني بعد الاربعين من عمري إكتشفت أنهم كانوا (( أكثرهم )) يشوفونك زيادة عدد و في وقت فراغهم ينشبون لك . و لو تعاملهم بمثل معاملتهم معك لـ إنفجروا غضباً عليك . *, حمزه عدس معجب بهذا.
|
#7
|
|||
|
|||
رد: ضيف قآدم
بختصار لا تجامل ع حساب نفسك ودامهم اخويا الجود من الموجود
لو حاب وتقدر وفر لهم غرفه ثانيه وقت تبي النوم استاذن منهم والمحل محلهم بما انهم اخويا اللي مايجامل ع حساب نفسه فوقت ماتنحد الامور عمره مايندم خذها من اخوك الكبير . عبدُالمَجيدْ معجب بهذا.
|
#8
|
||||
|
||||
رد: ضيف قآدم
انت شاد على عمرك و معتبرهم ضيوف
و في الحقيقة ربعك و اخوانك هم مو ضيوف كل الي عليك تجهز عزبة قهوة و شاهي كامله بقدوعها و فناجليها و بيالاتها القهوة اشترها مطحونه وحطها في الثلاجه عشان ما يتغير الطعم لا تحسسهم انت انهم ضيوف و الوضع رسميات لا خل الوضع نظام الاستراحة ..بتنام و هو صاحي عادي بيدخل صاحبك المطبخ يسوي له شيء يشربه او ياكله عادي كذلك الوجبات لا تحرص لازم تكون الوجبات كلها دسمه او من مطاعم غاليه ..تاكلون نواشف تاكلون من بوفيه عادي ولا تخجل و لا تفكر انك تخجل حتى الوجبات مشاركة وجبه عليك و وجبه عليه او قطه أنت جاي متغرب لتكون نفسك و تبني مستقبلك ما جيت لتضيع تعبك من اجل رسميات و خوفا من النقد اخيرا ..لا تخرب علاقتك بالناس من اجل رسميات مال امها داعي حمزه عدس و عبدُالمَجيدْ معجبون بهذا.
|
#9
|
||||
|
||||
رد: ضيف قآدم
هلا فيصل
اذا هو ضيف فأنت عندك منهج حديث قال نبينا محمد صل الله عليه وسلم : «مَنْ كَان يُؤمِن بِاللهِ وَاليَومِ الآخِرِ فَلْيُكْرِم ضَيفَه جَائِزَتَه»، قَالوا: وما جَائِزَتُهُ؟ يَا رسول الله، قال: «يَومُهُ ولَيلَتُهُ، والضِّيَافَةُ ثَلاَثَةُ أَيَّامٍ، فَمَا كَانَ وَرَاءَ ذَلك فَهُوَ صَدَقَةٌ عَلَيه». الحديث ( متفق عليه ) واذا هم غير ذلك ووضعك معاهم تمون عليهم فهي سهالات وانا مع رأي طهر حط لك فراش وملحقاته وكل فترة غسله من باب الاكرام ولوازم القهوة والشاي والاكل ماتيسر وقلهم المحل محلكم وبين ظروف عملك ودراستك . طُهـر معجب بهذا.
|
#10
|
|||
|
|||
رد: ضيف قآدم
يالله بعضهم بثر مايقدر انك عزابي منت فاضي تكمل شقه ومطبخ
القهوه دامك ماتحب العربيه اشتري من باجه اظرف جاهزه بس افتحها بالترمس وصب ما تطلع تهبل وصينية البيالات والفناجيل والمكسرات وحط معمول شقاليط شي مايخرب .. والعشا تشاورو بهالبرد مامثل تميس وفول😂 ترا التكلف بيخسرك ولاهب مالي عيون بعضهم… الفرش قل لهم الي معه فراش ينزله او اروح اشتري له😂 عبدُالمَجيدْ معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |